Partner:

mss-sport

Mitglieder

Junioren/Schulsport

Powered by Drupal, einem Open-Source Content-Management-System.

Turnier en Bueri 2009

Bild des Benutzers Carla

Weder einisch meh händ BCVler am Turnier zBuchrain teilgnoh. Wie emmer isch dAtmosphäre supi gsie...gmüetlech...fröndlech...iladend...ond natürli au sportlech ;) ...dPetra, de Patrick, de Andi ond i händ alli Diszipline bestrette...de Marco hät einzel gspellt.
De Patrick hät sini Bachkönst förezauberet ond en meeeega Torte zämeküechlet *yammiii* ....i de Hand balancierend isch er hende em Auti ghocket...mer isches debie ned ganz ghür gsie...well Torte isch jo fein...aber bitte ned i mim Chrage! ...da eus de Andi aber süferli bes is Luzernische schoffiert hät, isch die Torte heil acho...alli send froh gsie...de Gheimtip en Bueri die Torte...störzed sech alli druf! ...zom Glöck hät er för sini Gspändli en zwoit gmacht...die hät be em Heime of eus gwaretet...met dere Vorfreud semmer ab of sSpelfäld :)
DPetra hät im Einzel C alles gä för de Groppesieg häts aber ned glanget. Em Doppel C hämmer kämpft...schochli igspellter ofenand aber noni so dynamisch wie mer is da vorstelle hämmer kei Chance för de Groppesieg gha. Em Einzel D häts mer zom drette Platz glanget *freudestrahl* :) ...de Andi hät sini Groppe em Einzel C as Sieger abgschlosse...em Viertelfinal hät jedoch sin Gägner potzt. Em Einzel B hät de Enderli so rechtig müesse seckle ;) ...hät em aber leider ned för wieter glanget. Bem Herre-Doppel C händ sech die Beide of de dretti Platz gspellt *gratulier*. De Marco hät em Einzel C sini Groppe leider ned als Sieger chönne beände.
E lange Samstig isch somet zÄnd gange...ond mer händ is es feins Znacht verdient....wie emmer met sehr intressantem Gspröchsstoff!!!!! Ben doch emmer weder erstuhnt was do so alles as Tagesliecht chont ;o ...nach em Ässe denn schnell ab zom Enderli...yammiii...Torte waret no *schlemm*
Höt em Mix-Doppel C hämmer is denn gwönscht em Final alli Gägenand chönne zspele...naja Träume darf mer jo ;o ...hätt is allne ned zom Groppesieg glanget...mer send aber of güetem Wäg *freu*
Enzwösche leg i ofem Sofa...nachme sehr chorze Fernsehschlöfli - en Ersteckigsafall hät mi vorane zemli abrupt os mine Träumli gresse - emmer no fuul ond am Gleder schone.
Weder mol e schöns Badminton-Weekend gsie...vell Spele...chli Zyt zom Jasse...fein go Ässe...lostig ha met de Gspändli :)